Að venju stóð verkalýðsfélagið fyrir kaffisamsæti í dag þann 1.maí. Veislan var haldin að Hótel Framtíð og var ánægjulegt að sjá hve margir mættu, bæði ungir sem hinir eldri. Sérstök dagskrá var sett upp að þessu tilefni þar flutti m.a. ávarp Reynir Arnórsson og síðan kom yngri kynslóðin við sögu bæði með tónlistarflutningi og söng.
Þá flutti hin sænska Malin nokkur lög sömuleiðis við góðar undirtektir gesta. Verkalýðsdagurinn þótti því  eins og meðfylgjandi myndir sýna mjög vel heppnaður við voginn djúpa. AS