Dagar myrkurs voru haldnir hér á Djúpavogi vikuna 10. - 16. nóvember sl. Þórir Stefánsson sendi okkur myndir frá Faðirvorahlaupinu sem fór fram í Skógræktinni föstudaginn 14. nóvember. Vel var mætt en fólk gekk frá hliði skógræktarinnar að Aðalheiðarlundi þar sem var áð og boðið upp á kaffi og svala fyrir börnin. Bryndís Reynisdóttir, ferða- og menningarmálafulltrúi Djúpavogs fór þar yfir söguna á bakvið Faðirvorahlaupið og síðan fóru fram hinir nýstárlegu Reimleikar 2008. Keppt var í afturgöngu, beinagrindarhlaupi, útburði og fleiru. Mæltust reimleikarnir vel fyrir og verða eflaust endurteknir að ári. Í lok dagskrárinnar kom jólasveinninn við, en hann var á leiðnni í Toy's R Us að eigin sögn. Hann vakti eðlilega mikla kátínu hjá börnunum.

 

Í meðfylgjandi myndasafni eru myndir frá Faðirvorahlaupinu og svo sitthvor myndin frá Rökkurkvöldi í Löngubúð og kertafleytingunni.

 

Ef einhverjir luma á myndum frá öðrum viðburðum Daga myrkurs þá mega þeir endilega koma þeim til okkar.