ÁÐUR AUGLÝSTUM FUNDI MEÐ HAGSMUNA-AÐILUM Á DJÚPAVOGI UM BYGGÐAKVÓTA ER FRESTAÐ AF ÓVIÐRÁÐANLEGUM ÁSTÆÐUM.

Til frekari skýringa skal þess getið að sveitarstjórnin telur nauðsynlegt að á fundinn mæti fulltr. úr hinni opinberu stjórnsýslu (ráðuneyti) og geri grein fyrir markmiðum og reglum, er varða þetta málefni. Vegna veikinda annars vegar og mikilla anna hins vegar hjá þeim, sem leitað hefur verið til, hefur orðið að ráði að fresta fundinum fram í janúar 2009 (um eða upp úr miðjum þeim mánuði).

Hlutaðeigandi eru beðnir afsökunar á þessari frestun, en vonandi geta sem flestir verið sammála um nauðsyn þess að hægt verði að leita skýringa og kalla eftir rökum löggjafar- og framkvæmdavaldsins er lúta að regluverkinu um byggðakvótann.

Er því jafnframt treyst, að þeir hagsmunaaðilar heima fyrir, sem fallizt höfðu á að vera með framsögur á fundinum, eigi þess kost að mæta galvaskir til leiks u.þ.b. mánuði síðar en upphaflega var áætlað. Hið sama gildir að sjálfsögðu um alla aðra, sem ætlað höfðu að mæta á fundinn á áður boðuðum tíma.

F. h. sveitarstjórnar Djúpavogshrepps;

Bj. Hafþór Guðmundsson