• Forsíða |
• Stjórnsýsla |
• Djúpivogur |
• Cittaslow |
• Náttúra |
• Myndasafn |
• Innsent efni |
• Laus störf |
• Tenglar |
• Hafa samband |
• English |
• Endurvinnslukort |
Fréttir
Þú ert hér: Fréttir
16.01.2009 - Ólafur Áki Ragnarsson á "hátindi frægðarinnar" |
Djúpavogsbúinn Ólafur Áki Ragnarsson er nú um þetta leiti, við þriðja mann, að klára síðustu metrana upp á hæsta fjall Suður Ameríku, Aconcagua, þ.e. ef ferðaáætlun hefur staðist. Aconcagua er 6.962 metra hátt. Hófu göngugarparnir ferðalagið sunnudaginn 4. janúar sl. og hafa bloggað eins og best þeir geta á meðan á því hefur staðið. Síðasta færsla er frá því í gær (15. janúar) en þá voru garparnir á leið uppí Camp III í 6000 m. hæð. Hægt er að skoða síðuna mér því að smella hér. Við tókum okkur það bessaleyfi að stela færslu af bloggsíðunni þar sem ferðalagið er útlistað nánar: Þann 4. janúar 2009 héldu þau Bragi Ragnarsson, Ingólfur Gissurarson, Ólafur Áki Ragnarsson og Sigríður Lóa Jónsdóttir af stað áleiðis til Mendoza í Argentínu. Markmiðið er að klífa hæsta fjall Suður Ameríku, Aconcagua 6.962 metra að hæð. Gengin verður svokölluð Normal Route leið á norðvesturhlíð fjallsins. Það var á vordögum sem ákvörðun var tekin um að stefna á Aconcagua í janúar. Göngumenn hafa í gegnum árin stundað útiveru, gengið á fjöll innanlands- og erlendis. Undirbúningur að því að klífa Aconcagua hefur staðið í um 10 mánuði. Hann hefur falist m.a. í fjallaferðum, hlaupum, æfingum í líkamsræktarstöðvum og fleiru. Undirbúningurinn felst í því að koma sér í gott líkamlegt form og ekki síst að vera í góðu andlegu jafnvægi, þegar haldið er af stað. Mikið reynir á göngumenn andlega við erfiðar aðstæður s.s. kulda en reikna má með að síðustu dagana verði um - 30° frost á svæðinu. Hæðarveiki getur þjakað göngumenn í háfjallaklifri. Einn fylgifiska þess að stunda háfjallaklifur er hættan á hæðarveiki. Í vægustu tilfellum veikinnar verða menn varir við höfuðverk, en alvarlegra ástand er hin eiginlega hæðarveiki sem er lungna- og heilabjúgur, sem hvort tveggja er banvænt. ÓB Ólafur Áki sagði í fyrra ferðasöguna frá Mont Blanc sem hann kleif árið 2007. Sögustundin fór fram í Löngubúð. Árið þar á undan kleif hann fjallið Kilimanjaro, þannig að hann er ýmsu vanur. |
Veðrið í dag
Veðurstöðin Papey kl.20:00:00 | |
Hiti: | 0,3 °C |
Vindátt: | A |
Vindhraði: | 1 m/sek |
Vindhviður: | 2 m/sek |
Veðurstöðin Teigarhorn kl.20:00:00 | |
Hiti: | 0,4 °C |
Vindátt: | SSA |
Vindhraði: | 2 m/sek |
Vindhviður: | 3 m/sek |
Veðurstöðin Hamarsfjörður kl.20:00:00 | |
Hiti: | 0,8 °C |
Vindátt: | A |
Vindhraði: | 4 m/sek |
Vindhviður: | 6 m/sek |
Flóð og Fjara: 19.4.2024 |
| |||||||||||||||||||||||||||||||||||||||||||||||||
|