Fyrir þremur dögum síðan fékk undirritaður tölvupóst frá Ólafi Áka Ragnarssyni þar sem hann flutti nánari fréttir af ferðum sínum á fjallið mikla, Aconcagua í suður Ameríku.  Eins og sjá má í texta sendi undirritaður Ólafi mynd af Búlandstindi til að taka með sér á fjallið og það má einmitt sjá hér þar sem hann stendur með myndina af Búlandstindinum svo og auðvitað lét hann mynda sig líka með ljósmynd af fermingarsystkinunum eins og hann hefur gert í öðrum hátindagöngum til þessa.
Þessi fjallganga Ólafs er sú erfiðasta sem hann hefur reynt til þessa og hefur verið mikil þrekraun og þótt hátindinum hafi ekki verið náð þá óskum við honum að sjálfsögðu til hamingju með þetta afrek, því afrek er þetta sannarlega því líkamleg áraun er gríðarlega mikil þegar komið er upp í þær hæðir sem Ólafur og félagar náðu.

Sjá annars bréfið sem Óli sendi mér sem að undirritaður fékk að sjálfsögðu leyfi til að birta í heild sinni ásamt myndunum.  
Andrés Skúlason