 Mikill fjöldi unglinga var saman komin á Lindarbrekku í Berufirði um helgina. Þetta voru unglingar innan björgunarsveita á Austurlandi og komu þeir frá Neskaupstað, Eskifirði, Reyðarfirði, Fáskrúðsfirði og Djúpavogi. Verkefnin voru mörg t.d. síga í kletta, búa um slasaða á börum til flutnings, leita að snjóflóðaýlum og margt fleira. Í lok dags opnaði Djúpavogshreppur sundlaugina sérstaklega til þess að geta boðið hópnum í sund og um kvöldið var svo slegið upp grillveislu. Þátttakendur í þessari samæfingu voru alls 64 með umsjónarmönnum. Upphafsmaðurinn að þessari uppákomu var Snjólaug Eyrún Guðmundsson frá Lindarbrekku en hún er umsjónarmaður unglingadeildarinnar Ársól á Reyðarfirði. |
