Sigurður Guðjónsson í Aski færði okkur fjölmargar gamlar myndir nú á dögunum. Eftir að búið var að koma þeim á tölvutækt form settist Sigurður með okkur og útlistaði hverjir væru á hverri mynd og ártöl.

Myndasendingar sem þessi eru að sjálfsögðu ómetanlegar heimildir í sögu Djúpavogs og tökum við við slíkum sendingum fegins hendi. Þess vegna viljum við hvetja alla þá sem luma á gömlum myndum að koma með þær til okkar og við sjáum alfarið um að koma þeim á tölvutækt form.

Við þökkum Sigga í Aski að sjálfsögðu kærlega fyrir myndirnar.

Myndirnar frá honum má sjá með því að smella hér.
Einnig er hægt að nálgast þær í veftrénu vinstra megin undir Myndasafn - Gamlar myndir.

ÓB