Þá er komið að lokakvöldinu í spurningakeppni fyrirtækjanna en það verður á Hótel Framtíð, þriðjudaginn 31.mars kl.20:00.

Í úrslitum eru: Grunnskólinn (kennarar), HB Grandi, Fiskmarkaður Djúpavogs og Eyfreyjunes. Dregið verður á staðnum um það hvaða lið etja kappi saman en ljóst er að búast má við æsispennandi viðureign.

Í fyrra var það Eyfreyjunes sem sigraði en þá var Tryggvi Gunnlaugsson meðal liðsmanna og naut liðið góðs af óskeikulu minni hans. Í ár er Tryggvi hins vegar fjarri góðu gamni en liðsheildin þó alls ekki síðri því í stað Tryggva er komin frænka hans, Sóley Dögg Birgisdóttir. Það verður því forvitnilegt að fylgjast með hvort liðinu tekst að verja titilinn frá því í fyrra.

Við hvetjum sem flesta til þess að mæta á góða skemmtun og styðja ungennafélagið Neista í leiðinni. Í hléinu mun Jószef Kiss skemmta okkur með léttum söng.

Aðgangseyrir á spurningakeppnina er kr. 500

Ungmennafélagið Neisti

BR