Svavar Knútur Kristinsson er nú á ferðalagi um landið ásamt fleiri hljómsveitum undir yfirskriftinni“Hver á sér fegra föðurland”. Fimmtudagskvöldið 9.júlí hefði átt að vera fríkvöldið hans en þess í stað hefur hann ákveðið að heiðra okkur Djúpavogsbúa með nærveru sinni og spila lögin sín í Löngubúð.En hann mætti svo eftirminnilega til okkar í fyrra og spilaði í svo svartri þoku að sást vart á milli húsa.

Fyrir þá sem ekki þekkja til Svavars, þá hefur hann getið sér gott orð fyrir lagasmíð og söng, var valinn sigurvegari trúbadorakeppni Rásar 2 árið 2005 og er forsöngvari hljómsveitarinnar Hrauns.

Tónleikarnir hefjast kl 21:00 og aðgangseyrir er 1000 kr.

Við hvetjum alla Djúpavogsbúa til þess að fjölmenna á fimmtudagskvöldið í Löngubúð