• Forsíða |
• Stjórnsýsla |
• Djúpivogur |
• Cittaslow |
• Náttúra |
• Myndasafn |
• Innsent efni |
• Laus störf |
• Tenglar |
• Hafa samband |
• English |
• Endurvinnslukort |
24.03.2010 - Spurningakeppni Neista 2010 - 2. kvöld |
Annað undankvöld í spurningakeppni Neista 2010 fór fram í Löngubúð í gær. Óhætt er að segja að húsið hafi verið kjaftfullt, en töf var á að keppni gæti hafist þar sem sækja þurfti fleiri stóla út í bæ svo allir gestir gætu nú fengið sér sæti. Í fyrstu viðureign áttust við kennarar Grunnskólans og Vísir hf. Kennararnir fóru nokkuð létt með Vísismenn og höfðu sigur 27-12. Í annari viðureign áttust við Ferðaþjónustan á Eyjólfsstöðum og skrifstofa Djúpavogshrepps. Svipað var uppi á teningnum í þeirri viðureign, einu stigi munaði á liðunum eftir hraðspurningar en eftir það jók Ferðaþjónustan muninn hratt og örugglega og hafði sigur að lokum 22-13. Þá var komið að því að Ferðaþjónustan og kennarar þyrftu að kljást um sæti í úrslitum. Sú viðureign var hnífjöfn og æsispennandi alveg fram á síðustu spurningu en þá var staðan 26-25 fyrir kennurum. Í þeirri spurningu nældu Eyjólfsstaðamenn sér í tvö stig og höfðu sigur 27-26 og tryggðu sér þar með sæti í úrslitunum. Kennarar Grunnskólans eru hins vegar, eins og staðan er núna, komnir áfram sem stigahæsta tapliðið en það kemur í ljós á síðasta undankvöldinu, sem fram fer á morgun (fimmtudag), hvort tapliðin þar nái í hærri stigafjölda en kennararnir. Semsagt - frábært kvöld að baki, mætingin fram úr björtustu vonum og stemmningin góð. Síðasta undankvöldið fer semsagt fram á morgun, fimmtudag, kl. 20:00 - 500 kr. inn, frítt fyrir ófermda. Myndir frá gærkvöldinu má sjá með því að smella hér. ÓB |
Veðurstöðin Papey kl.03:00:00 | |
Hiti: | 2,7 °C |
Vindátt: | S |
Vindhraði: | 10 m/sek |
Vindhviður: | 14 m/sek |
Veðurstöðin Teigarhorn kl.03:00:00 | |
Hiti: | 2,9 °C |
Vindátt: | SA |
Vindhraði: | 2 m/sek |
Vindhviður: | 6 m/sek |
Veðurstöðin Hamarsfjörður kl.03:00:00 | |
Hiti: | 3,1 °C |
Vindátt: | ANA |
Vindhraði: | 3 m/sek |
Vindhviður: | 7 m/sek |
Flóð og Fjara: 20.4.2024 |
| |||||||||||||||||||||||||||||||||||||||||||||||||
|