Djúpavogshreppur er eitt sveitarfélaga á Austurlandi skráð í verkefnið "Grænn april" sem sjá má á sérstakri heimasíðu um verkefnið. Sveitarfélagið vinnur m.a. að því nú um stundir að þróa áfram og bæta flokkun á úrgangi og nú í apríl hefur meðal annars enn verið aukið á flokkunarmöguleika í Safnstöðinni. Þá var sömuleiðis ákveðið nú í april að ívilna sérstaklega þeim íbúum sem standa sig vel í flokkun á úrgangi með því að lækka sorphirðugjöld gegn innskilum á heimilistunnum. Með innskilum á heimilistunnum fylla viðkomandi íbúar jafnhliða út eyðublað á skrifstofu sveitarfélagsins þar sem viðkomandi heita því með undirrskrift að fylgja vel leiðbeiningum um flokkun á úrgangi svo og fara þá viðkomandi íbúar með allan annan úrgang sjálfir sem fellur til af heimilunum og setja í þar til ætlaðan gám.
Nú þegar hafa nokkuð margir íbúar skilað inn heimilistunnum og hefur því fyrirkomulag þetta mælst vel fyrir.
Á heimasíðunni Grænn apríl má annars sjá eftirfarandi upplýsingar um Djúpavog. http://graennapril.is/2011/04/djupivogur-vinalegur-og-vistv%C3%A6nn-er-gr%C3%A6njaxl/