Nú er allt komið á fullt hjá Papeyjarferðum, tólfta árið í röð, en í gær var farið með fullan bát og það sama var uppi á teningnum í fyrradag. Þó að fréttir hafi borist um það annarsstaðar af landinu að lunda hafi fækkað stórlega virðist það ekki vera raunin í Papey en að sögn Más Karlssonar, framkvæmdastjóra Papeyjarferða, er mikið af lunda í eynni núna og virðist það alls ekki vera minna en undanfarin ár. Siglt er út í eyna á hverjum degi kl 13:00, miðasala er í afgreiðslu við smábátahöfnina, skipstjóri á Gísla í Papey er Jens Albertsson og leiðsögumaður er Ugnius Didziokas. |