AUGLÝSING
SKÓLASTJÓRI GRUNNSKÓLA DJÚPAVOGS

Djúpavogshreppur auglýsir eftir skólastjóra við Grunnskóla Djúpavogs. Í skólanum eru í dag um 50 nemendur. Stöðugildi eru u.þ.b. 11.  Í skólanum er lögð mikil áhersla á samkennslu og samvinnu auk þess sem verkgreinakennslu er gert hátt undir höfði.  Einstök náttúra í nánasta umhverfi skólans er einnig mikið nýtt til kennslu og útiveru.

Í sveitarfélaginu er hátt þjónustustig. Þar eru t.d., auk grunnskólans,  góðar stofnanir, svo sem nýr leikskóli, tónlistarskóli og íþróttamiðstöð með frábærri innisundlaug.

Á Djúpavogi er gott atvinnuástand, m.a. í sjávarútvegi, ferðaþjónustu og öðrum grunnþáttum atvinnulífsins.

Umsóknir berist til:
Skrifstofa Djúpavogshrepps,
v/ skólastjóri Grunnskólans,
Bakka 1
765 – Djúpivogur.

Umsóknarfrestur er til 26. júní 2006.

Nánari upplýsingar veittar á skrifstofu Djúpavogshrepps, sími 478-8288.

Sveitarstjóri.