Í morgun gerðist það á hreppsskrifstofunni í Geysi að þekktur sjónvarps- og útvarpsmaður, Gísli Einarsson, hertók stól sveitarstjórans og hafði á orði að þaðan yrði ekki hægt að aka honum, hvorki út né suður. Gísli er hér á ferðinni til að vinna fréttatengt efni og hefur eins og fleiri hrifizt af byggðarlaginu og þeirri þjónustu, sem það hefur upp á að bjóða. Líkaði honum dvölin svo vel að hann ákvað að taka sveitarstjórann og umsjónarmann heimasíðunnar í “gíslingu” og kvaðst eigi burtu mundu þaðan víkja fyrr en orðið yrði að kröfum hans um að komast í sundlaugina á staðnum. Var auðvelt að verða við því, þar sem Íþróttamiðstöðin, var opnuð strax kl. 7 í morgun, löngu áður en Gísli fór að snyrta hár sitt fyrir annir dagsins.
Sveitarstjórinn sá fram á tekjulækkun ef hans biði að skipta um sæti við Gísla og vandaði honum ekki kveðjurnar:
Núna má ég borða bruður, beittir vorum (G/g)-ísla töku. Asni, sem er út og suður, ei fær hjá mér góða stöku.
|