 Ekki gekk það í þetta skiptið hjá okkar mönnum. Þeir mættu reyndar mjög ákveðnir til leiks og byrjuðu mjög vel. Hins vegar komust Leiknismenn yfir í fyrri hálfleik eftir varnarmistök en þó má fullyrða að það hafi verið gegn gangi leiksins. Undirrituðum fannst reyndar, og má vel vera að hann sé litaður Neistalitum, að Neistamenn hafi verið betri aðilinn í leiknum en það nægir því miður ekki alltaf til sigurs. Leiknismenn bættu við tveimur mörkum í seinni hálfleik og unnu því 0-3. Það er því kannski erfitt að trúa því að Neistamenn hafi verið betri aðilinn í leiknum en þeir áttu töluvert fleiri færi og voru meira með boltann en Leiknismenn nýtt einfaldlega þau færi sem þeir fengu. 0-3 því niðurstaðan og Neistamenn enn í 6. sæti með 7 stig.
Neistamenn mæta svo Snerti í síðasta leik sumarsins föstudaginn 17. ágúst, kl 19:00.
Snörtur er án stiga í neðsta sæti deildarinnar og því kemur ekkert annað en sigur til greina hjá Neista. Nú hópumst við öll á völlinn á föstudaginn og styðjum okkar menn. Veðurspá er góð og því engin afsökun að mæta ekki og styðja við bakið á drengjunum okkar.
Áfram Neisti!
|
