Það má með sanni segja að einstaklingar frá Djúpavogi haldi áfram að slá í gegn þessa dagana, á vef íþróttafrétta mbl. í dag má m.a. sjá frétt af snilldarhöggi sem Ásta Birna Magnúsdóttir átti á Hvaleyrarvelli í gær. Ásta fór semsagt holu í höggi á par 4. Frábærlega gert hjá Ástu og óskar heimasíðan henni að sjálfsögðu til hamingju með þetta afrek. AS

Ásta Birna fór holu í höggi á par 4 braut

Ásta Birna Magnúsdóttir kylfingur úr Keili í Hafnarfirði gerði sér lítið fyrir og fór holu i höggi á 3. braut á Hvaleyrarvelli í gær á golfmóti Siggu & Tímo. Afrekið er sérstakt þar sem að brautin er par 4 og sló Ásta boltann ofaní holu af 205 metra færi. Þar með lék hún brautina á þremur höggum undir pari eða Albatros.

Það er mjög sjaldan sem kylfingar ná að slá boltann ofaní holu á par 4 braut en Ragnhildur Sigurðardóttir úr GR sló boltann beint ofaní holu á 6. braut á Garðavelli fyrir tveimur árum og Helgi Dan Steinsson úr Leyni fór holu í höggi á 10. braut á sama velli fyrir tveimur árum

- Bein slóð á fréttina -