Ómar Enoksson hefur verið duglegur að senda okkur myndir á heimasíðuna.

Hér meðfylgjandi er mynd sem hann tók af ungu íþróttafólki frá Djúpavogi sem tók þátt í Sumarhátíð UÍA sem haldin var dagana 24.-26. ágúst sl.

UMF.Neisti náði 3. sæti í stigakeppni 14 ára og yngri á þessari Sumarhátíð, sem verður að teljast mjög góður árangur þar sem að 12 ungmennafélög tóku þátt. Ómar ætlar kannski að senda fleiri myndir af hátíðinni síðar og bíðum við að sjálfsögðu spennt eftir því.

Þess má til gamans geta að keppendur frá Neista komust á síðu morgunblaðsins fyrir skemmstu
þar sem krakkarnir okkar vöktu sérstaka eftirtekt á Sumarhátíðinni fyrir vasklega framgöngu og ekki síður fyrir það að hópurinn var sá eini sem var allur í félagslitunum.

Texti: ÓB/AS
Mynd: Ómar Enoksson