Fyrsti snjór haustsins lét á sér kræla í gær. Það var nú reyndar ekki snjór í byggð, en snjóað hafði í fjöll. Á myndunum fyrir neðan má sjá tvær myndir sem teknar voru í gær þegar fréttamaður tók eftir hvítunni í fjöllunum. Svo eru þrjár myndir sem teknar voru snemma í morgun. Það er búið að vera ansi haustlegt hér á Djúpavogi síðustu daga. T.a.m. var 2ja stiga hiti og norðangarri þegar undirritaður vaknaði í morgun. En nú eftir hádegi er búið að vera ágætasta veður; sól en þó kalt, um 7 stiga hiti. Það hefur þó hlýnað það mikið að snjórinn sem var búinn að koma sér fyrir í morgun er horfinn. En þetta er góð vísbending um að stutt sé í veturinn á landinu bláa. ÓB Þessi mynd var tekin seinnipartinn í gær. Úfinn Berufjörðurinn og þarna má sjá glitta í hvítuna efst í fjöllunum
Þessi mynd var tekin stuttu fyrir átta í morgun. Ansi haustlegt um að litast
Búlandstindurinn kuldalegur
|