Fyrsti í aðventu!

kl. 14:00  Fjölskyldumessa í Djúpavogskirkju

Fjölskyldumessa í Djúpavogskirkju 1. sunnudag í aðventu, 29. nóv. kl. 14:00.

Börn kveikja á aðventukransinum. Piparkökur og kaffi í safnaðarheimilinu eftir messu.

Nýtt orgel kirkjunnar vígt.  

kl. 17:00  Kveikt á jólatrénu á Bjargstúninu.

Ljósin á jólatré Djúpavogshrepps verða tendruð fyrsta sunnudag aðventu, þann 29. nóvember kl. 17:00, á Bjargstúninu. 

Heppinn grunnskólanemi er dreginn út til að kveikja jólaljósin. Svo verður sungið og dansað kringum jólatréð.

Mögulegt er að jólasveinar kíki í snemmbúna heimsókn niður í mannabyggð og hafi jafnvel eitthvað með sér í pokahorninu.

Jólatréð er gjöf frá Skógræktarfélagi Djúpavogs.

Ungmennafélagið Neisti og Björgunarsveitin Bára leggja einnig sitt að mörkum til skemmtunarinnar.