Bæjarlífsyrpan að þessu sinni fer að mestu fram á bryggjunni. Það hefur mikið verið að gera hjá Fiskmarkaði Djúpavogs að undanförnu og t.a.m lönduðu þar 7 bátar í síðustu viku og 9 hafa bókað löndun í þessari viku. Þá erum við að tala um stóra línubáta. Það er nú gott þegar Ægir hef nóg að gera. Þegar undirritaðan bar að garði í morgun var búið að landa úr Kristínu GK og verið að fylla bátinn af beitu, körum og ís. Á meðan hamaðist Ægir við að koma aflanum um borð í flutningabíl.

Það var þungt yfir þegar menn vöknuðu í morgun en upp úr kl. 9 fór hann að rífa af sér og nú þegar þetta er skrifað (13:35) er sól, heiðskírt og um 10 stiga hiti.

Til að skoða bæjarlífsmyndirnar skal smella hér

ÓB