Í gær (miðvikudag) fór fram hin árlega foreldrakynning í grunnskólanum. Kennarar aðstoðuðu nemendur við að útbúa boðskort til foreldra þar sem þeim var sérstaklega boðið á kynninguna. Skemmst er frá því að segja að 93% nemenda áttu einn eða tvo fulltrúa á fundinum. Skólastjóri fór yfir handbók skólans, fjallaði um skólareglur, skóladagatal o.fl. Eftir það hittu foreldrar umsjónarkennara í stofum barna sinna, skoðuðu námsbækur og fjölluðu um ýmis mál. Ég vil þakka foreldrum á Djúpavogi fyrir frábæra mætingu og vonast eftir góðu samstarfi við þá áfram sem hingað til. HDH |