Starfsmenn Salar Islandica voru vaknaðir fyrir allar aldir í morgun og var dagsverkið laxaslátrun. Veður var vægast sagt slæmt þegar fimmmeningarnir hófu störf, stormur og úrhelli, en þegar undirritaðan bar að garði laust fyrir klukkan 10 í morgun var veður orðið skaplegra. Um borð í "laxabátnum" Papey voru um 12-13 tonn af spriklandi laxi og bjóst Sveinn Kristján Ingimarsson við því að því yrði öllu slátrað í dag.
Ljósmyndari tók eftir því að Papey var komin óvenjumikið á hliðina á meðan á slátrun stóð og velti því fyrir sér hvort nokkuð stefndi í óefni. Þeim vangaveltum var fljótt svarað af starfsmönnum en bátnum er svona komið fyrir af eðlilegum ástæðum.

Til að skoða myndir skal smella hér