Kristján Guðmundsson í Vébergi er búinn að "leggja jólalínurnar" á húsið sitt og þar með leggja línurnar fyrir komandi jólahátíð. Undirritaður notar því tækifærið til að skora á Djúpavogsbúa að fara að fordæmi Kidda og kveikja á jólaseríunum og lýsa upp skammdegið sem er nú að verða allsráðandi. Undirritaður viðurkennir þó að hann er ekki sjálfur búinn að kveikja en tekur áskorun Kidda með glöðu geði. Það eru þónokkrir búnir að kveikja á seríum að einhverju leyti en Kiddi er sá fyrsti til að "ganga alla leið". Undirrituðum finnst þó trúlegt að Kiddi sé hvergi nærri hættur.

ÓB

Jólaljósin í Vébergi