Kristján Ingimarsson var nýlega ráðinn í hlutastarf til eins árs til að byrja með sem ferða- og menningarmálafulltrúi Djúpavogshrepps.

Bókað var sem hér greinir um málið á fundi sveitarstjórnar Djúpavogshrepps á fundi 12. apríl 2007:

Sveitarstjóri kynnti ráðningu Kristjáns Ingimarssonar í hlutastarf sem ferða- og menningarmálafulltrúi Djúpavogshrepps til eins árs til að byrja með á grundvelli fjármagns í sem m.a. hefur fengizt í gegnum svonefndan Vaxtarsamning fyrir Austurland.

Sveitarstjórn fagnar ráðningunni og telur að reynsla Kristjáns, bæði sem fyrrverandi sveitarstjórnarmanns, leiðsögumanns til margra ára og vegna alhliða reynslu hans og menntunar eigi eftir að nýtast vel í þessu skyni.

Heimasíðan býður einnig Kristján velkominn til starfa.