Eins og fram kom í ræðu skólastjóra á skólaslitum í Djúpavogskirkju sl. laugardag eru í ár 120 ár liðin frá því að formleg barnakennsla hófst á Djúpavogi. Af því tilefni ætlum við að halda afmælisveislu í haust og er undirbúningur þegar hafinn.
Nefnd hefur verið skipuð og í henni eru: Halldóra Dröfn Hafþórsdóttir, skólastjóri Berglind Einarsdóttir, staðgengill skólastjóra Kristrún Björg Gunnarsdóttir, húsvörður Dagbjört Agnarsdóttir, formaður foreldrafélagsins Sóley Dögg Birgisdóttir, formaður skólanefndar
Fyrsti fundur nefndarinnar var haldinn 27. maí sl. og var undirritaðri falið að setja inn auglýsingu á heimasíðu sveitarfélagsins þar sem auglýst væri eftir: a) Gömlum myndum frá skólastarfi í sveitarfélaginu b) Gömlum munum, t.d. borðum og stólum c) Gömlum kennslu- og vinnubókum
Mikilvægt er að þeir sem vilja lána merki muni, bækur og myndir mjög vel og koma þeim í skólann, annað hvort til Kristrúnar eða Halldóru. Með kæru þakklæti, HDH |