Ferðamálastjóri Íslands Ólöf Ýrr Atladóttir heimsótti Djúpavog í dag.  
Það voru undirritaður og formaður ferða- og menningarmálanefndar Djúpavogshrepps Albert Jensson sem að kynntu hinum nýja ferðamálastjóra ágæti Djúpavogs og nágrennis í ferða- og menningarmálum og helstu viðfangsefni sveitarfélagsins í þessum efnum.
Skemmst er frá að segja að Ólöf var afar ánægð með kynninguna á svæðinu þótt ekki gæfist tími til að skoða allt og fannst henni hér margir góðir og spennandi hlutir vera að gerast.  Ekki skemmdi fyrir heimsókninni að í dag var glampandi sól og blíða þannig að bærinn skartaði sínu fegursta fyrir ferðamálastjórann nýja.
                                                                                                                                        Andrés Skúlason   

Ólöf Ýrr Atladóttir ferðamálastjóri ritar í gestabók í fuglaskoðunarhúsinu í dag