Eins og síðastliðna tvo vetur býður ÍÞMD upp á leikjatíma á laugardögum, þar sem foreldrum eða öðrum ábyrgum forráðamönnum gefst kostur á að mæta með yngstu börnin í tíma.
ATH. Tímar þessir eru aðeins ætlaðir börnum upp að grunnskólaaldri.
Til upplýsingar fyrir nýja foreldra er markmiðið með þessum tímum að gefa foreldrum kost á því yfir veturinn að nýta íþróttasalinn í ÍÞMD til hreyfingar fyrir yngstu börnin. Að öðru leyti er mottóið bara að hafa gaman, hitta aðra foreldra og taka virkan þátt í leik með börnunum. Foreldrar / forráðamenn bera alfarið ábyrgð á börnunum, þar sem ekkert sérstakt eftirlit er með þessum tímum af hálfu starfsfólks ÍÞMD. Það eru jú foreldrarnir sjálfir sem eru með tímann svo það sé á hreinu.
Foreldrar /forráðamenn hafa fullan aðgang að viðeigandi áhöldum og tækjum úr áhaldageymslu til nota í íþróttasalnum meðan á tíma stendur. ÍÞMD gerir ekki aðrar kröfur en þær að notendur gangi frá eftir tíma og skili íþróttasalnum í því horfi sem tekið var við honum. Auðvitað er svo mælst til þess að foreldrar hjálpist að við að ganga frá eftir tíma.
Fyrsti leikjatíminn er laugardaginn 6 sept. og verður sama tímasetning og áður þ.e. frá kl 11:00 - 12:00. Eftir tíma er svo auðvitað tilvalið að hittast í sundlauginni og slaka á, eða halda bara áfram að leika sér. ATH. Þessir leikjatímar eru í boði ÍÞMD eru foreldrum og börnum að kostnaðarlausu.
Sjáumst hress og kát í leikjatímum á laugardögum. Starfsfólk ÍÞMD
P.S. Forstöðum. ÍÞMD hefur einnig verið beðin um að koma því hér á framfæri að foreldar með börn á leikskólaaldri (og yngri) ætla að mæta á miðvikudögum í sundlaugina í vetur frá kl 17:00 - 19:00, bara hittast og hafa gaman.
|