Sveitarfélögin Fljótsdalshérað, Vopnafjarðarhreppur, Borgarfjarðarhreppur, Seyðisfjarðar- kaupstaður, Fljótsdalshreppur og Djúpavogshreppur mynda saman eitt félagsþjónustuvæði.
 
Félagsþjónusta Fljótsdalshéraðs veitir íbúum allra sveitarfélaganna þjónustu samkvæmt samningi þar um. Þessi sex sveitarfélög standa jafnframt að sameiginlegri fimm manna félagsmála- og barnaverndarnefnd samkvæmt samningi um nefndina og samþykktum fyrir hana.
 
Félagsþjónustu Fljótsdalshéraðs er skipt upp í fjögur megin verkefni, sem eru Ráðgjöf, Búseta, Virkni og Barnavernd. Félagsmálastjóri er yfirmaður félagsþjónustu Fljótsdalshéraðs.
 
Starfsfólk félagsþjónustunnar annast móttöku á barnaverndartilkynningum og úrvinnslu þeirra, fyrir öll sveitarfélögin, auk þess að beita stuðningsaðgerðum til hagsbóta fyrir einstök börn og fjölskyldur þeirra, þegar það á við, samkvæmt barnaverndarlögum.

Helstu verkefnin sem starfsfólk félagsþjónustunnar sinnir á sviði félagsþjónustu eru almenn félagsleg ráðgjöf, fjárhagsaðstoð, heimaþjónusta og liðveisla, samkvæmt lögum um félagsþjónustu sveitarfélaga.

Einnig er veitt sértæk þjónusta samkvæmt lögum um málefni fatlaðs fólks, s.s. þjónusta á heimilum fatlaðs fólks í þjónustu- og íbúðakjörnum og í sjálfstæðri búsetu, stuðningsfjölskylur og skammtímavistun og hæfing og iðja. En sveitarfélög tóku við málefnum fatlaðs fólks frá ríkinu um áramótin 2010/2011.

Þá er félagsmiðstöð og dagvistun fyrir eldri borgara starfrækt á Fljótsdalshéraði.
 
Meginaðstaða starfsfólks félagsþjónustunnar er að Lyngási 12, Egilsstöðum. Íbúar allra sveitarfélaganna geta sótt þjónustu þangað. Viðvera starfsfólks félagsþjónustunnar í öðrum sveitarfélögum en Fljótsdalshéraði er eftir þörfum og samkomulagi félagsmálastjóra og sveitarstjóra í viðkomandi sveitarfélagi. Viðvera starfsfólks félagsþjónustunnar er auglýst sérstaklega þegar um er að ræða Vopnafjarðarhrepp og Djúpavogshrepp en best er að panta tíma hjá starfsfólki í síma 4 700 705 og til að fá upplýsingar um viðveru starfsfólks í sveitarfélögunum.

Sími félagsþjónustunnar er 4 700 705 og opnunartímar eru 9.00-15.00 alla virka daga.

Netfang félagsþjónustunnar er felagsthjonusta@fljotsdalsherad.is

Allar frekari upplýsingar um Félagsþjónustu Fljótsdalshéraðs, þ.m.t. reglur, samþykktir, eyðublöð og umsóknir er að finna hér.