Nú er foreldravikan að verða hálfnuð. Gaman er að segja frá því að þátttaka nú í haust er mun betri en var í vor, alveg eins og við gerðum okkur vonir um. Þó er greinilegt að þátttakan á yngsta stiginu er mest og minnkar eftir því sem ofar dregur í bekkjunum. Sumir foreldrar kíkja í 1-2 kennslustundir en aðrir hafa verið hér heilan morgunn. Börnin láta slíkar heimsóknir ekkert trufla sig, halda sínu striki. Ítrekað er að mömmur, ömmur, frænkur og frændur eru velkomin í heimsókn. Eins og áður var auglýst var stefnt að því að hlaupa Norrænt skólahlaup, á morgun fimmtudag. Vegna anna í þessari viku höfum við ákveðið að fresta því þangað til næstkomandi þriðjudags, 20. nóvember. Þeir sem hlaupa 10 km leggja af stað klukkan 10:00, en þeir sem hlaupa 2,5 km og 5 km leggja af stað klukkan 11:00. Forráðamenn eru að sjálfsögðu velkomnir með og hvattir til að mæta. HDH |