Eins og flestir vita var foreldravika í grunnskólanum í síðustu viku, þó má segja að foreldravika sé ekki lengur réttnefni því við fengum alls konar fólk í heimsókn, ömmur, afa o.fl. góða gesti.  Ljóst er að þessi viðburður hefur fest sig í sessi og skal minnt á að seinni foreldravika / aðstandendavika verður 7. - 11. apríl 2008. 
Alls komu 27 gestir í heimsókn til 41 barns sem er frábær þátttaka.  Ljóst er þó að börnin á yngra stiginu fá mun fleiri heimsóknir, þ.e. 1. - 5. bekkur fengu 24 heimsóknir en 6. - 10. bekkur fengu 3 heimsóknir.
Við gerum okkur ljóst að flestir foreldrar eru í vinnu á þessum tíma en þá er gott að hvetja ömmur og / eða afa, frænkur eða frændur til að kíkja í heimsókn.  HDH