Í tengslum við sjálfsmatsvinnu í grunnskólanum var send njósnasveit í Grunnskólann á Hallormsstað til að kynnast því hvernig nemendur og kennarar þar hafa unnið að því að sækja um og halda Grænfánanum á lofti í skólanum. Upphaflega áttu sex yngismeyjar að leggja land undir fót (eða dekk) en þegar til kom var ein þeirra lasin og önnur í Reykjavík. Þær voru því fjórar sem lögðu af stað á jeppanum hennar Lilju, en ásamt henni í ferðinni voru Þórunnborg, Björg og Kolbrún, fulltrúi nemenda. Ferðin sóttist þeim vel og fengu þær frábærar móttökur á Hallormsstað. Þar fóru þær í skoðunarferð um skólann og nánasta umhverfi, fengu góð ráð og margt fleira. Til baka komu þær, margs vísari og ljóst er að eldmóðurinn sem þær báru í brjósti áður en lagt var í´ann margaldaðist um allan helming. Viljum við þakka nemendum og starfsfólki Grunnskólans á Hallormsstað kærlega fyrir höfðinglegar móttökur. Myndir úr ferðinni má finna hér. HDH |