Eins og íbúar í þorpinu tóku eflaust eftir í dag voru grunnskólanemendur á þönum um allar trissur. Ástæðan fyrir því var sú að í dag fór fram hinn árlegi ratleikur. Nemendum var skipt upp í 6 lið, þvert á bekki þannig að í sama liðinu voru nemendur frá 1. / 2. bekk og upp í 10. bekk. Þemað í ár var EM í knattspyrnu sem fram fer í Sviss og Austurríki nú í júní. Að venju var keppnin hörð og spennandi og þurfti nemendur að leysa ýmis konar verkefni á 12 mismunandi stöðvum. Síðasta þrautin fór síðan fram á sparkvellinum þar sem nemendur fengu 5 mínútur til að æfa flottasta "fagnið." Svo fór að lið númer 2 sigraði, en í því voru: Arnar Jón, Margrét, Auður, Anton, Bjarni, Jens og Fanný. Í verðlaun var að venju íslveisla í versluninni Við Voginn. Myndir frá ratleiknum má finna hér. |