Opið hús var í Grunnskólanum í dag. Langflestir nemendur og foreldrar kíktu í heimsókn til að fá stundatöflur og bækur og til að hitta umsjónarkennara. Mikil tilhlökkun lá í loftinu, sérstaklega hjá yngstu nemendunum en margir af þeim eldri eru einnig fegnir að komast aftur í skólann því þá færist lífið aftur í fastar skorður.
Fyrr í vikunni varð uppi fótur og fit meðal starfsfólks skólans þegar það kom í ljós að undanúrslitaleikur Íslendinga gegn Spánverjum færi fram á sama tíma. Til þess að þurfa ekki að breyta "opna húsinu" tókum við til þess ráðs að sýna leikinn beint í tölvuverinu og vakti það mikla lukku. Ekki þarf að lýsa stemmingunni sem var þar inni.
Við viljum minna foreldra á að hvetja börnin til að ganga eða hjóla í skólann á meðan veðrið leikur svona við okkur. HDH |