 Þann 10. október nk. verður afmælisveisla í Grunnskóla Djúpavogs í tilefni af því að 120 ár eru liðin frá því að fyrsta hefðbundna kennslan hófst á Djúpavogi. Þá var Bjarni Sigurðsson, búfræðingur frá Þykkvabæjarklaustri ráðinn barnakennari til fjögurra ár. Barnakennsla hefur verið á Djúpavogi samfellt síðan. Fyrsta skólahús á Djúpavogi var Hótel Lundur, þar til það brann árið 1896. Geysir stendur núna á þessum stað. Árið 1914 var svo Gamli skólinn steyptur og var hann notaður sem skóli til 1952. Þar stendur Sparisjóður Hornafjarðar og nágrennis / Íslandspóstur núna. Síðan þá hefur skólinn verið í því húsnæði sem hann er enn í, í dag.
Í tilefni af þessu 120 ára afmæli ætlum við að gera okkur glaðan dag. Klukkan 17:00 verður hátíðardagskrá á Hótel Framtíð og að henni lokinni verður kaffi og afmæliskaka í boði í Grunnskólanum. Þar verður myndasýning, sýning á gömlum munum o.fl.
Allir velunnarar skólans eru hjartanlega velkomnir og verður þessi viðburður auglýstur nánar þegar nær dregur. HDH |
