Skólasöngur
Við komum hér saman og syngjum af því að skólinn er byrjaður aftur á ný. Við lærum að reikna og pára við púlt :,: það prýðilegt finnst sumum en öðrum heldur fúlt. :,:
Við komum hér saman úr sveit og úr bæ við syngjum um lífið við dimmbláan sæ. Já skólinn við “Voginn” er lifandi lind :,: og langt uppi glampar á fagran Búlandstind. :,:
Við komum hér saman og syngjum við raust þó skólinn hann taki´okkur föst strax í haust. Og kennarar basla við krakkana fans :,: þeir koma okkur öllum að endingu til manns. :,:
Við komum hér saman því sól skín á ný og senn kemur vorið þá fáum við frí. Í sumarsins frelsi við förum um fjöll :,: og flökkum þá og syngjum með glens og hlátrasköll. :,:
Sævar Sigbjarnarson / Jóhann Atli Hafliðason
|