Presturinn okkar hún Sjöfn bauð okkur í heimsókn í kirkjuna í tilefni aðventunnar.  Þegar við komum var hann József organisti líka og spilaði hann undir meðan við sungum.  Þór elsti nemandinn í leikskólanum hjálpaði Sjöfn að kveikja á Spádómskertinu og Betlehemskertinu.  Sjöfn sagði okkur söguna af fæðingu Jesú barnsins og síðan komu í heimsókn Mýsla, Músapési, Rebbi, Fróði og Englaráð sem eru handbrúður og búa í kirkjunni.  Á eftir fengum við piparkökur og djús uppi á lofti.  Við þökkum kærlega fyrir okkur Sjöfn og József. Hér má sjá fleiri myndir.

G.S.