Þann 1. júlí sl. tóku í gildi ný lög um leikskóla.

Helstu breytingar frá fyrri lögum eru þær að nú eru skýrari skilgreining á skyldum/hlutverki ríkis, sveitarfélaga, leikskólatjóra/starfsfólks leikskóla og foreldra. Má nefna að nú er ákvæði um foreldraráð og umsagnarrétt þeirra, "túlkaskyldu" til foreldra, fyrirkomulag á mati á skólastarfi, samrekstur leik- og grunnskóla, lámarksfjölda leikskólakennara, skilyrði til ráðningar og heimild til að afla upplýsinga úr sakaskrá, þagnar skyldu og tilkynningarskyldu skv. barnaverndarlögum, aðkomu leikskólastjóra að skóla/færðslunefnd, húnæði og barnafjöldi sem felur m.a. í sér að afnema barngilda- og rýmisviðmið, útgáfu skólanámskrár, starfsáætlunar og símenntunaráætlunar, samstarf skólastiga og meðferð persónuupplýinga milli skólastiga, sérfræðiráðgjöf (sérfræðingar í leikskólamálum) til leikskóla, rekstarsleyfi til annarra aðila en sveitarfélaga, sprotasjóð, þróunarleikskóla, upplýsingaskyldu ráðherra til Alþingis, málskotsrétt um réttindi barna gagnvart ákveðnum atriðum, heimild til gjaldtöku, reglusetninga um innritun ofl.

Nú geta leikskólakennarar sótt um lögverndun á starfsheiti sitt eins og grunnskólakennarar eru með. Þurfa því leikskólakennarar að sækja um sérstök leyfisbréf til menntamálaráðuneytisins þess að mega sinna kennslu. Einnig kemur fram í þessum nýju lögum að nú skuli að lágmarki 2/3 hlutar stöðugilda sem eru við kennslu, umönnun og uppeldi barna skipað fólki sem hefur leyfisbréf. Þar fyrir utan eru leikskólastjórar, aðstoðarleikskólastjórar og sérkennarar. Fástráða megi, í allt að 1/3 hluta stöðugilda, fólk sem ekki hefur réttindi. Ef ráða þarf réttindalausa einstaklinga umfram 1/3 hlutann (fáist ekki kennarar með leyfisbréf) skal ráða þá tímabundið til eins árs í senn og ekki endurráða nema að undangenginni auglýsingu. Lögin gera ráð fyrir að réttindalausum, sem eru við störf þegar lögin taka gildi, sé sagt upp störfum.

Miðað við þetta þá þarf að ráða í 3,5 stöður við leikskólann menntaða leikskólakennara. En næsta vetur er gert ráð fyrir að stöðugildi í leikskólanum verði 5,31 fyrir utan leikskólastjóra og Þrif/eldhús. Glöggir lesendur Fréttablaðsins gátu séð auglýsingu frá Djúpavogshreppi, leikskóla í blaðinu sl. sunnudag þann 29. júní. Sú auglýsing er einnig á heimasíðu leikskólans og í verslunum á Djúpavogi. Ef ekki fæst fagmenntað fólk mun verða auglýst eftir ófaglærðu starfsfólki í tímabundið starf til eins árs.

ÞS